Meistaramót Skákfélags Sauðárkróks hefst á morgun

Meistaramót Skákfélags Sauðárkróks hefst á morgun, þriðjudaginn 28. janúar, í Safnahúsinu á Sauðárkróki kl 20:00. Tefldar verða 5 umferðir og verða þær tefldar næstu þriðjudaga. Mótinu líkur undir lok febrúarmánaðar. Teflt verður eftir tímamörkunum 90 mín + 30 sec. Hægt er að skrá sig til leiks í netfanginu [e-mail] Æskilegt er að slíkt sé gert með fyrirvara.

Hjáseta verður leyfð í einni af þremur fyrstu umferðunum. Tilkynning um slíkt verður að berast fyrir röðun næstu umferðar.

Mótið verður reiknað til íslenskra og alþjóðlegra skákstiga og teflt verður eftir skákreglum FIDE.

Á mótinu verður teflt með nýjum stafrænum skákklukkum sem Sparisjóður Skagafjarðar hefur fært klúbbnum að gjöf.

 

Sparisjóður Skagafjarðar gefur Skákfélagi Sauðárkróks skákklukkur

Í tilefni af Íslenska skákdeginum hefur Skákfélagi Sauðárkróks borist  höfðingleg gjöf frá Sparisjóði Skagafjarðar - 6 stafrænar skákklukkur. Klukkurnar munu koma í góðar þarfir, enda nú til dags farið að tefla með tímamörkum sem venjulegum tímamælum er ómögulegt að framkvæma. t.d. að bæta við tíma við hvern leik. Klukkurnar verða vígðar á meistaramóti félagisns sem hefst á þriðjudagskvöldið í Safnahúsinu á Sauðárkróki.

Guðmundur sigrar með fullu húsi

Guðmundur Gunnarsson var öruggur sigurvegari á Atskákmóti Skákfélags Sauðárkróks sem lauk nú í vikunni. Gerði Guðmundur sér lítið fyrir og sigraði alla andstæðinga sína og hlaut 7 vinning. Í öðru sæti varð Jón Arnljótsson með 5 1/2 vinning og þriðji Unnar Ingvarsson með 4 1/2 vinning. Alls tóku 8 skákmenn þátt í mótinu.

Næsta þriðjudagskvöld hefst meistaramót félagsins. Teflt verður eftir tímamörkunum 1:30 klst + 30 sec á leik. Mikilvægt er að skrá sig til leiks á mótið, sem verður 5 umferðir, sem telfdar verða næstu þriðjudagskvöld.

Guðmundur og Þór efstir eftir 3 umferðir á Atskákmóti Sauðárkróks

Þeir Guðmundur Gunnarsson og Þór Hjaltalín eru efstir með fullt hús vinninga eftir 3 umferðir á Atskákmóti Skákfélags Sauðárkróks sem hófst í gær. Alls taka 8 skákmenn þátt í mótinu og tefla allir við alla. Umhugsunartími er 25 mín. pr mann á skák. Næstu 3 umferðir verða tefldar n.k. þriðjudag.

Áramótakveðjur

Skákfélag Sauðárkróks sendir öllum velunnurum félagsins sínar

 bestu áramótakveðjur með von um stóra sigra á komandi ári. Minnum á að Atskákmót Sauðárkróks hefst þriðjudaginn 7. janúar kl 20 í Safnahúsinu. Mætum stundvíslega.

Stjórnin

 

Birkir Már hraðskákmeistari 2013

Birkir Már Magnússon kom sá og sigraði á meistaramóti Skákfélags Sauðárkróks í hraðskák sem fram fór í gær. Birkir hlaut 8 1/2 vinning af 10 mögulegum. Í öðru sæti varð Unnar Ingvarsson með 7 vinninga og í því þriðja Guðmundur Gunnarsson með 6 vinninga í þriðja sæti.

Samkvæmt æfingaáæltun verður tefld löng skák næsta þriðjudag með umhugsunartímann 1 1/2 klst á mann. Í janúar hefst svo Atskákmót Sauðárkróks og fyrirhugað er að halda meistaramót í febrúar þar sem telfdar verða langar skákir.

Meistaramót í hraðskák 2013

Þriðjudaginn 3. desember klukkan 20 verður meistaramót Skákfélags Sauðárkróks í hraðskák teflt. Umhugsunartími verður 5 mínútur á mann pr skák. Teflt verður í Safnahúsinu að venju. Mætið tímanlega.

stjórnin 

Skákæfing fellur niður

Vegna landsleiks Íslands og Króatíu í fótbolta fellur skákæfing niður sem átti að vera í kvöld, þriðjudaginn 19. nóvember. Hittumst aftur næsta þriðjudag.

stjórnin 

Mótaáætlun Skákfélags Sauðárkróks

 

 

Skákfélag Sauðárkróks – dagskrá 2013-2014

 

19. nóvember 1:30 mín skákir dregið um keppendur

26.nóvember 15 mín skákir –

3. desember fullveldismótið – 5 mín hraðskákir – Meistaramót í hraðskák 2013

10. desember 1:30 mínútna skákir dregið um keppendur /þó geta ekki sömu teflt saman aftur

17. desember 15 mín skákir.

Hraðskákmót milli jóla og nýárs ef áhugi er fyrir hendi.

2014

7. jan. Atskákmót Skákfélags Sauðárkróks 25 mín pr. mann (umf 1-3) Meistaramót í atskák

14. jan. Atskákmót Skákfélags Sauðárkróks 25 mín pr. mann (umf 4-6)

21. jan. Atskákmót Skákfélags Sauðárkróks 25 mín pr mann. (umf 7-9)

28. jan. Meistaramót Skákfélags Sauðárkróks 1. umf. 90 mín + 30 sec á mann

4. feb. Meistaramót Skákfélags Sauðárkróks 2. umf. 90 mín + 30 sec á mann

11. feb. Meistaramót Skákfélags Sauðárkróks 3. umf. 90 mín + 30 sec á mann

18. feb. Meistaramót Skákfélags Sauðárkróks 4. umf. 90 mín + 30 sec á mann

25. feb. Meistaramót Skákfélags Sauðárkróks 5. umf. 90 mín + 30 sec á mann

28. feb – 1. mars. Íslandsmót Skákfélaga.

 

 

Sýndur verður mikill vilji til að hliðra til um skáktíma ef menn komast ekki t.d. vegna veikinda, vinnu eða annarra hluta vegna.

Veitt verða verðlaun fyrir 3 efstu sætin í hraðskákmóti/atskákmóti/meistaramóti. SB stig ráða úrslitum ef keppendur eru jafnir.

Upplýsingar um Skákfélag Sauðárkróks á heimasíðunni www.skakkrokur.blog.is

Fréttir frá aðalfundi

Ný stjórn Skákfélags Sauðárkróks var skipuð á aðalfundi félagsins 5. nóvember s.l. Hana skipa Guðmundur Gunnarsson, Unnar Ingvarsson og Þór Hjaltalín. Stjórnin hefur þegar tekið til starfa og er verið að vinna að gerð móta- og æfingaplans fram á vor. Jafnframt er fyrirhugað að félagið standi fyrir barna- og unglingaæfingum í vetur.