Silfrið varð niðurstaðan

Tvær æsispennandi umferðir voru tefldar á Íslandsmóti Skákfélaga í dag. Í fyrri umferðinni mættum við liði Skáksambands Austurlands. Þar unnu Unnar og Hörður góða sigra en Árni og Davíð gerðu jafntefli. Jón tapaði sinni skák og því miður komst sá sem átti að sitja 4 borðið ekki til keppni. Niðurstaðan varð því 3 - 3 jafntefli og ljóst að félagið var öruggt um eitt af þremur efstu sætunum, og þar með sæti í 3ju deild að ári.

Lokaumferðin var síðan gegn hinu nýstofnaða Skákfélagi Íslands sem státar af Sigurði Daða Sigfússyni á efsta borði. Eftir mikla baráttu unnu Skákfélagsmenn sigur 4-2. Unnar og Árni unnu góða sigra en Hörður, Jón og Davíð töpuðu. Enn því miður kom sá sem átti að skipa 4. borðið ekki til keppni og því var niðurstaðan þessi. Vegna annara úrslita varð niðurstaðan hins vegar sú að félagið varð í öðru sæti í keppninni.

Bestum árangri í síðari hlutanum náði Unnar sem vann alla keppninauta sína í þetta skiptið. Árni fékk 2 vinninga af 3 mögulegum. Davíð 1 1/2 vinning. Hörður 1 vinning en Jón og Freysteinn hálfan vinning.

Heildarúrslit má sjá á síðunni:

http://chess-results.com/tnr38868.aspx?art=0&lan=1&m=-1&wi=1000 

Sigur á Fjölni B á 5. umferð

Naumur sigur vanst á B sveit Fjölnis í fimmtu umferð Íslandsmóts Skákfélaga. Fengu okkar menn 3 1/2 vinning á móti 2 1/2 vinningi Fjölnismanna. Sveit Fjölnis skipa margir af efnilegustu unglingum landsins og greinilega mjög vel teflandi lið. Hins vegar var liðið talsvert veikara en í vor og gerðum við okkur því vonir um sigur. Eftir mikinn barning tókst að landa sigrinum en tæpt var það. Unnar var fyrstur að klára, en hann var með heldur betri stöðu þegar andstæðingurinn ákvað að leika hrók nánast í dauðann og úrslitin þar með ráðin. Árni var með unna stöðu en lék henni niður í jafntefli þegar hann ætlaði að máta, fórnaði hrók, en hafði ekkert upp úr krafsinu annað en jafntelfi. Davíð sigraði hins vegar örugglega á neðsta borðinu og staðan 2 1/2 á móti 1/2 og allt virtist vera í góðu gengi. Hörður var í erfiðleikum í sinni skák framanaf, en hafði náð að jafna taflið. Þá ákvað hann að leika af sér manni í stöðu sem var mjög jafnteflisleg og Fjölnismenn höfðu því náð að minnka muninn. Skák Freysteins var afar flókin en hann hafði þó miklu betri tíma en andstæðingurinn. Eftir nokkur umskipti var ákveðið að sættast á skiptan hlut. Þá var Jón eftir á 1. borðinu. Eftir að hafa heldur betra framan af var staða hans orðin mjög erfið, en eftir mikinn barning náði hann að hanga á jafnteflinu og naumur sigur því niðurstaðan. Þessi tvö stig sem unnust, með því að vinna viðureignini,  gætu reynst mjög dýrmæt, þar sem 3 efstu liðin flytjast upp um deild.

Skákfélag Sauðárkróks er því enn í efsta sæti 4. deildar. Á morgun mætum við afar sterku liði Skákfélags Íslands, sem státar Fidemeistaranum Sigurði Daða Sigfússyni á efsta borði. Nægir félaginu að jafna aðra af þeim tveimur viðureignum sem eftir eru til að tryggja sér sæti í 3. deild.

Síðari hluti Íslandsmótsins um helgina

Síðari hluti Íslandsmóts skákfélaga verður nú um helgina í Rimaskóla í Reykjavík. Sveit Skákfélags Sauðárkróks er í efsta sæti 4 deildar eftir fyrri hlutann, en það er stutt á milli hláturs og gráturs í deildinni, enda er hún afar jöfn. Stefnan er sett á að verða í einu af þremur efstu sætunum og komast þannig upp í þriðju deild.

Eftirtaldir tefla fyrir félagið í seinni umferðinni.

Jón Arnljótsson

Unnar Ingvarsson

Hörður Ingimarsson

Freysteinn Björgvinsson

Árni Þór Þorsteinsson

Davíð Örn Þorsteinsson

Skákfélag Sauðárkróks í efsta sæti í fjórðu deild Íslandsmótsins

Eftir góðan sigur á liði Laugvetninga er lið Skákfélags Sauðárkróks í efsta sæti í fjórðu deild Íslandsmóts skákfélaga, en fyrri hluta mótsins er nú lokið. Liðið hefur alls hlotið 17 vinninga af 24 mögulegum. Í síðustu umferðinni gekk á ýmsu. Guðmundur og Davíð voru báðir með mun betra en töpuðu báðir. Jón og Unnar áttu varla meira en jafntefli í sínum skákum, en unnu báðir. Árni vann öruggan sigur og Hörður gerði jafntefli. Allir sem telfdu fyrir félagið stóðu vel fyrir sínu, en þrátt fyrir góða stöðu nú, eru líkur á að við mætum enn erfiðari andstæðingum í síðari hluta mótsins, sem verður í mars á næsta ári.

Lið Skákfélags Sauðárkróks í öðru sæti

Eftir annan keppnisdag í Íslandsmóti Skákfélaga er lið Skákfélags Sauðárkróks í öðru sæti í fjórðu deild. Í dag vanst 6-0 sigur á C liði Fjölnis og 3 1/2 -2 1/2 sigur á liði Skákfélags Selfoss. Eins og gefur að skilja unnu allir í fyrri umferðinni. Í þeirri síðar sigruðu þeir Jón og Davíð. Unnar, Guðmundur og Árni gerðu jafntefli en Hörður tapaði. Lið okkar og Selfoss voru mjög áþekk að styrkleika og því um mjög góðan sigur að ræða. Á morgun, í síðustu umferð í fyrri hluta mótsins, mætum við Laugvetningum. 

Sigur í fyrstu umferð ÍS

Góður sigur vannst gegn sveit Vinjar á Íslandsmótinu. Okkar sveit fékk 4 vinninga gegn 2 vinningum Vinjarmanna. Guðmundur, Hörður, Árni og Davíð unnu sínar skákir en efstuborðsmennirnir Jón og Unnar töpuðu báðir. Á morgun mætum við C-sveit Fjölnis.

Skákfélag Sauðárkróks í 14 sæti af 32 í fjórðu deild

Lið Skákfélags Sauðárkróks sigraði F sveit Hellis 6-0 í sjöttu umferð í Íslandsmóti Skákfélaga og lauk síðan keppni með að sigra lið UMSB 4-2. Jón, Davíð og Hörður sigruðu. Unnar og Erlingur gerðu jafntefli en Árni tapaði. Liðið fékk því 22 vinninga af 42 mögulegum. Árangurinn er því svipaður og undanfarin ár, en liðið varð í 14 sæti af 32 í fjórðu deild. Árangurinn í síðari hlutanum var miklu betri en í þeim fyrri og hækkuðu flestir nokkuð á stigum, en enginn meira en Jón Arnljótsson sem hækkar um 25 ELO stig eftir síðari hlutann.

Sigur gegn Laugvetningum

Sigur vannst gegn Laugvetningum í 5. umferð Íslandsmóts skákfélaga. Sveit Sauðárkróks hlaut 3 1/2 vinning gegn 2 1/2 vinningi sunnanmanna. Unnar og Erlingur sigruðu. Jón, Hörður og Davíð gerðu jafntefli en Árni tapaði. Ekki er ljóst hverjum verður mætt í 6 umferð sem hefst í dag kl. 11:00.

Stórtap fyrir víkingunum

Ekki sóttum við gull í greipar Víkingaklúbbsins, enda þeir lítt árennilegir, með meðalstig vel yfir 2000. Sveitin tapaði 0-6. Leiðin liggur bara uppávið úr þessu enda liðið í hópi neðstu sveita í fjórðu deild.

7 vinningar eftir tvær umferðir

Skákfélag Sauðárkróks hefur 7 vinninga eftir tvær umferðir á Íslandsmóti Skákfélaga sem nú fer fram í Rimaskóla í Reykjavík. Félagið keppir í fjórðu deild, eitt 32 liða sem í þeirri deild eru. Í fyrstu umferð í gærkvöldi vannst góður sigur á D liði Skákfélags Akureyrar 4 1/2 vinningur gegn 1 1/2. Í annari umferð mætti liðið B sveit KR, sem er með sterkari sveitum í keppninni. Niðurstaðan varð tap 2 1/2 vinningur gegn 3 1/2. Eins og gengur er misjafnt hvernig lukkan lætur, en árangurinn gegn KR var vel ásættanlegur og okkar menn mjög óheppnir að sigra ekki í viðureigninni.

Í þriðju umferð, sem hefst síðar í dag mætir félagið Víkingasveitinni, sem fyrirfram var talin með sterkustu sveitunum í keppninni.