Hannes enn ósigraður

Hannes Hlífar heldur áfram sigurgöngu sinni á Skákþingi Norðlendinga og varð Rúnar Sigurpálsson fórnarlambið í 5. umferð. Hannes er með fullt hús en Haukamennirnir Sverrir Örn Björnsson og Þorvarður F. Ólafsson koma næstir með fjóra vinninga. Með 3 vinninga koma síðan fjórir norðanmenn, þeir Rúnar Sigurpálsson, Stefán Bergsson, Hjörleifur Halldórsson og síðast en ekki síst Sveinbjörn Sigurðsson, en hann mun mæta Hannesi Hlífari í næstu umferð og verður án efa um stórskemmtilega viðureign að ræða.

Hægt er að nálgast úrslit á eftirfarandi slóð:

http://chess-results.com/tnr98153.aspx?art=1&rd=5&lan=1&wi=821

Hannes efstur á Skákþingi Norðlendinga

Eftir fjórar fyrstu umferðirnar á Skákþingi Norðlendinga er stórmeistarinn Hannes Hlífar Stefánsson efstur með fullt hús, en fjórir skákmenn eru jafnir í skiptu öðru sæti með 3 vinninga. Hægt er að fræðast um úrslit og stöðu á síðunni http://chess-results.com/tnr98153.aspx?lan=1 Einnig verður hægt að fylgjast með mótinu á www.skak.is

 

 

Tímasetningar umferða á laugardegi og sunnudegi

Ákveðið hefur verið að fyrri umferðin á laugardegi hefjist klukkan 10:30 en sú síðari klukkan 16:30. Síðasta umferðin á sunnudeginum hefst klukkan 10:30. Að lokinni síðustu umferð hefst hraðskákmót Norðlendinga.

Keppendur eru hvattir til að mæta tímanlega á föstudagskvöld, en fyrsta umferð hefst klukkan 20:00.

Nokkrar breytingar hafa orðið á skráningu, en nú eru 18 keppendur skráðir (sjá neðar á síðunni). Miðað er við að skráningu ljúki á hádegi á föstudag.

Skráningar í Skákþing Norðlendinga - uppfært

 

Skráning:                                                       Alþjóleg ELO             Íslensk ELO  

 

Hannes Hlífar Stefánsson Kópavogi                          2513                           2587

Rúnar Sigurpálsson Akureyri                                    2240                           2180 

Þorvarður Fannar Ólafsson Hafnarfirði                     2237                            2183

Áskell Örn Kárason Akureyri                                     2224                            2211

Stefán Bergsson Akureyri                                         2139                            2121

Sverrir Örn Björnsson   Hafnarfirði                            2135                           2117

Sigurður Eiríksson, Akureyri                                     1945                            1927

Hjörleifur Halldórsson Eyf.                                        1936                           1820

Jón Arnljótsson Skagafirði                                        1915                           1785

Unnar Ingvarsson, Sauðárkróki                               1909                            1722

Jón Kristinn Þorgeirsson, Akureyri                            1812                            1823

Sveinbjörn O. Sigurðsson, Akureyri                         1802                            1695

Jakob Sævar Sigurðsson Siglufirði                            1765                           1677

Örn Þórarinsson, Fljótum                                                                            1865

Þorleifur Ingvarsson, Húnav.s.                                                                  1745

Sigurður Ægisson Siglufirði                                                                         1698

Hörður Ingimarsson, Sauðárkróki                                                               1602

Guðmundur Gunnarsson, Sauðárkróki                                                        1494

Birkir Már Magnússon Sauðárkróki

Björn Björnsson, Húnav.s.

Skákþing Norðlendinga - uppfært

Skákþing Norðlendinga – Afmælismót Haraldar Hermannssonar opinn flokkur

 

Skákþing Norðlendinga verður haldið á Sauðárkróki helgina 19-21. apríl n.k.  Samkvæmt venju verða tefldar 7 umferðir. Fjórar atskákir með 25 mín. umhugsunartíma á föstudagskvöldi. Tvær umferðir með umhugsunartímanum 90 mín + 30 sek á leik og lokaumferðin á sunnudegi með sama umhugunartíma. Á lokinni 7. umferð á sunnudeginum verður  haldið Hraðskákmót Norðlendinga. Kappskákirnar verða reiknaðar til alþjóðlegra stiga.

Allir skákmenn eru velkomnir á Skákþing Norðlendinga, en einungis þeir sem eru með lögheimili á Norðurlandi geta öðlast nafnbótina Skákmeistari Norðlendinga. Heildar verðlaunafé á mótinu verður a.m.k. 160.000 krónur, en fjöldi þátttakenda hefur áhrif á verðlaunafé. Fyrstu verðlaun eru áætluð 65.000 krónur, önnur verðlaun 35.000 og þriðju verðlaun 25.000. Einnig verða veitt peningaverðlaun fyrir þá sem hafa undir 2000 íslensk Elo stig 20.000 krónur og þá sem hafa undir 1800 íslensk Elo Stig 20.000 krónur. Keppendur geta aðeins unnið til aukaverðlauna í einum flokki.  

Hótel Tindastóll, Gistiheimilið Mikligarður og Gistiheimilið Sólarborg gefa þátttakendum í mótinu 10% afslátt af gistingu. Til viðmiðunar er verð fyrir gistingu með morgunverði um 16.000 krónur á mann í gistiheimilunum og er þá miðað við tvo í herbergi í tvær nætur.  Nánari upplýsingar um tilboðið verða sendar í tölvupósti til áhugasamra.

Mótsgjöld eru kr. 2000 en ekkert kostar að taka þátt í hraðskákmótinu. Innifalið í verði er kaffi og meðlæti á stundum.

Skráning fer fram í netfanginu: [e-mail] og er þar hægt að fá nánari upplýsingar um framkvæmd mótsins.

Teflt verður í Safnahúsi Skagfirðinga. Nánari upplýsingar um tímasetningu umferða, þátttakendur o.fl. verða birtar fljótlega hér á heimasíðunni.

Mótsstjóri verður Gunnar Björnsson forseti Skáksambands Íslands.

 

Að þessu sinni verður mótið afmælismót Haraldur Hermannssonar, en hann verður 90 ára þegar mótið stendur yfir. Haraldur hefur um langt skeið verið í fararbroddi skákmanna á Norðurlandi og um langt skeið haldið úti skákstarfi í Skagafirði. Haraldur teflir enn þrátt fyrir háan aldur og hefur haldið merkilegum skákstyrk þrátt fyrir aldurinn.  

Skákþing Norðlendinga hefur verið haldið frá árinu 1935, en þá sigraði Sauðkrækingurinn Sveinn Þorvaldsson. Þingið hefur um langt skeið verið vel sótt af norðlenskum skákmönnum sem gestum þeirra.

Á Sauðárkróki búa um 2600 manns og er staðurinn miðstöð verslunar og þjónustu í Skagafirði. Á staðnum eru þrír  skemmtistaðir, sem verða að venju með dagskrá þessa helgi þegar Skagfirðingar eru að undirbúa Sæluviku Skagfirðinga sem fram fer í lok apríl. 

Áfram í þriðju deild!

Skákfélag Sauðárkróks náði að tryggja sér áframhaldandi veru í þriðju deild með sigri á sterku liði Taflfélags Garðabæjar. Sigur vannst með 3 1/2 vinningi gegn 2 1/2. Unnar, Birgir og Davíð sigruðu í sínum viðureignum en Jón gerði jafntefli. Liðið hafnaði því í 15. sæti í deildinni en þrjú neðstu liðin féllu í fjórðu deild. Davíð Örn Þorsteinsson var hetja liðsins um helgina, en hann vann allar þrjár skákir sínar.

Spenna í Íslandsmótinu

Fimmtu og sjöttu umferð Íslandsmótsins er lokið. Í fimmtu umferð var teflt við Sunnlendinga á Selfossi og tapaðist viðureignin 5 1/2 - 1 1/2. Einungs Davíð Örn Þorsteinsson sigraði á 5 borði en Jón Arnljótsson gerði jafntefli á því fyrsta. Í sjöttu umferð var tefld tið B lið KR og tapaðist sú viðureign einnig með 4 vinningum gegn 2. Davíð Örn sigraði en Unnar og Þor gerðu jafntefli. Má segja að heppnin hafi ekki verið með okkur í þessari viðureign. Í lokaumferðinni mætum við síðan B liðið Garðabæjar og getum enn sloppið við fall með því að sigra í viðureigninni og ef Austfirðingar sigra c lið Eyjamanna.

Íslandsmót skákfélaga um helgina

Nú um helgina fer fram síðari hluti Íslandsmóts skákfélaga, en Skákfélag Sauðárkróks er í botnbaráttunni í þriðju deild. 

Eftirtaldir tefla fyrir félagið í síðari umferðinni.

Jón Arnljótsson

Unnar Ingvarsson

Birgir Örn Steingrímsson

Guðmundur Gunnarsson

Þór Hjaltalín

Davíð Örn Þorsteinsson

Birkir Már Magnússon. 

Unnar og Jón efstir á Atskákmóti Sauðárkróks

Þeir Unnar Ingvarsson og Jón Arnljótsson urðu efstir og jafnir á atskákmóti Sauðárkróks sem lauk í gærkvöldi. Fengu þeir 5 1/2 vinning af 7 mögulegum. Fjórir urðu síðan jafnir í 3-6 sæti, þeir Hörður Ingimarsson, Guðmundur Gunnarsson, Þór Hjaltalin og Birkir Már Magnússon allir með 4 vinninga. Mikil dramatík var í lokaumferðunum. Til dæmis féll Jón Arnljótsson á tíma gegn Þór Hjaltalín, en Þór náði ekki að stöðva klukkuna sem féll líka á Þór og niðurstaðan því jafntefli.
Alls tóku 8 þátt í mótinu sem háð var í tilefni afmælis Friðriks Ólafssonar stórmeistara.

Jón Arnljótsson efstur á Atskákmóti Skákfélags Sauðárkróks

Eftir 5 umferðir af 7 er Jón Arnljótsson efstur á Atskákmóti Skákfélags Sauðárkróks, sem haldið er í tilefni af Skákdeginum. Jón hefur 4 vinninga, en Unnar Ingvarsson er næstur með 3 1/2, þrír skákmenn koma síðan með 3 vinninga. Alls taka 8 skákmenn þátt í mótinu, en fyrihugað er að því ljúki á þriðjudagskvöldið.