Úrslit í Atskákmóti

Atskákmóti Skákfélags Sauðárkróks 2019 lauk 30. janúar.  Keppendur voru aðeins 5 og telfdi því hver þátttakandi aðeins 4 skákir og 1 sat hjá í hverri umferð.  Atskákmeistari varð Jón Arnljótsson með 4 vinninga, Guðmundur Gunnarsson 3, Baldvin Kristjánsson 2, Pálmi Sighvatsson 1 og Arnar Sigurðsson engan.  Vikulegar æfingar eru í Safnaðarheimilinu kl. 20.00 á miðvikudögum og yfirleitt frekar frjálslegar, þó stöku sinnum sé reynt að hafa mót.  Öllum er frjálst að mæta á æfingar.

Atskákmót

Atskákmót Skákfélags Sauðárkróks er fyrirhugað að hefjist 23. janúar.  Mótið hefur verið haldið árlega, með 1 eða 2 undantekningum, síðan 2001 og hafa umferðir verið frá 5 og upp í 9, eftir fjölda þátttakenda.  Umhugsunartíminn var 30 mín. á skák fyrstu árin, en verður nú 25 mín., eins og verið hefur síðustu ár.  Gert er ráð fyrir að mótið taki 3 miðvikudagskvöld (23.1, 30.1 og 6.2) og 3 umferðir á kvöldi, en verði þátttakendur færri en 10 fækkar umferðum á kvöldi og/eða kvöldum sem mótið tekur.  Verði keppendur fleiri verður gripið til pörunarkerfis, þar sem 9 er hámarksfjöldi umferða.