Kjördæmismót í Skólaskák og sumarfrí

Reglulegu vetrarstarfi Skákfélagsins lauk í gærkvöldi með atskákmóti.  Telfdar voru 5 umferðir með 15 mínútna umhugsunartíma, þátttakendur voru 6.  Efstur varð Jón Arnljótsson með 4 vinninga.  3 vinninga hlutu Pálmi Sighvatsson, Hörður Ingimarsson og Örn Þórarinsson og Guðmundur Gunnarsson 2, en Pétur Bjarnason öngvan.  Fyrirhugað er að hafa 2-3 æfingar stuttu fyrir Landsmót U.M.F.Í. sem verður haldið á Sauðárkróki í sumar.  Telft verður 14. júlí, 5 umferðir, 25 mínútna skákir.  Skráning er á heimasíðu Landsmótsins, en Skákfélag Sauðárkróks sér um framkvæmd mótsins.

Næsta laugardag 21. apríl, kl 13.30, verður haldið Skólaskákmót fyrir Norðurland vestra, í Húsi frítímans, Sæmundargötu 7, á Sauðárkróki.  Telfdar verða skákir með 10 mínútna umhugsunartíma 5-7 umferðir eftir þátttöku.  Sigurvegarar vinna sér þátttökurétt í Landsmóti í Skólaskák, en þar er keppt í tveimur aldursflokkum, 1-7 bekk og 8-10 bekk.  Landsmótið er dagsett 5-7 maí, í Reykjavík.  Mótið á laugardaginn er opið öllum grunnskólabörnum, skráning er í gegn um Grunnskólana, eða hjá Jóni Arnljótssyni í [e-mail] eða 865 3827 eða á staðnum fyrir kl 13.30