Elvar Már sigraði í Kjördæmismóti í skólaskák

Kjördæmismót í skólaskák á Norðurlandi vestra var haldið í dag, í Húsi frítímans á Sauðárkróki. 5 keppendur tóku þátt, 2 í eldri flokki (8-10 bekkur) og 3 í yngri flokki (1-7 bekkur). Sigurvegari varð Elvar Már Valsson, Húnavallaskóla með 4 vinninga af 4 mögulegum. Í öðru sæti varð Ester María Eiríksdóttir, Grunnskólanum austan vatna, með 3 vinninga og jafnframt efst í eldri flokki.  Þessi tvö unnu sér þátttökurétt í Landsmóti í skólaskák, sem haldið verður á Akureyri 5-7 maí. Í þriðja sæti og öðru í eldri flokknum, varð Auður Ragna Þorbjarnardóttir með 2 vinninga og síðan komu Mikael Máni Jónsson með 1 v. og Björn Jökull Bjarkason í öðru og þriðja sæti yngri flokksins, en þau eru öll úr Grunnskólanum austan vatna.