Norðurlandsmóti lokið

Skákþingi Norðlendinga 2017 er lokið með sigri Ingvars Þórs Jóhannessonar, sem hlaut 6 vinninga af 7 mögulegum.  Í öðru sæti og jafnframt Skákmeistari Norðlendinga varð Haraldur Haraldsson á Akureyri með 5 vinninga og hærri á stigum en Stefán Bergsson sem varð þriðji.  Í fjórða og fimmta sæti með 4 1/2 urðu Róbert Lagermann og Loftur Baldvinsson.  Þessir 5 fengu peningaverðlaun.  4 vinninga hlutu Leó Örn Jóhannsson, Sigurður Eiríksson Akureyri og Jón Arnljótsson Skagafirði.  Með 3 1/2 voru Gauti Páll Jónsson og Akureyringarnir Tómas Veigar Sigurðsson og Jón Kristinn Þorgeirsson.  Verðlaun í flokki skákmanna undir 1800 stigum fengu Páll Þórsson, Karl Egill Steingrímsson, Hjörleifur Halldórsson, Hermann Aðalsteinsson og Helgi Pétur Gunnarsson.  Þeir hlutu 3 vinninga, en Karl og Hjörleifur komu frá Akureyri og Hermann úr Þingeyjarsýslu.  Einar Örn Hreinsson Sauðárkróki fékk 2 1/2 vinning eftir góðan endasprett. Jón Magnússon aAkureyri og Guðmundur Gunnarsson Sauðárkróki fengu 2 v. og lestina rak Pétur Bjarnason Suðárkróki með 1 v.  20 tóku þátt, 4 heimamenn, 7 komu frá Akureyri, 1 úr Þingeyjarsýslu og 8 gestir að sunnan og Þaðan kom einnig dómari mótsins Ingibjörg Edda Birgisdóttir, en hún á reyndar ættir að rekja í Skagafjörðinn.  Hraðskákþing Norðlendinga var haldið að hinu loknu, 11 tóku þátt og telfdu 7 umferðir með 3 mín. umhugsunartíma + 2 sek. á leik.  Efstir urðu Róbert Lagermann og Jón Kristinn Þorgeirsson með 6 1/2 vinning.  Jón varð Hraðskákmeistari Norðlendinga.  Sjá  hér nánar um hraðskákmótið og hérna um aðalmótið.  Myndirnar, hér að neðan, tók Ingibjörg Edda. af 3 efstu mönnum Haraldi, með bikarana, Ingvari og Stefáni. Á hinni er Jón Kristinn.

Róbert dró á Ingvar

Skák Róberts og Gauta var síðust til að klárast og hafði Róbert sigur eftir og minnkaði þar með forystu Ingvars, sem hafði gert jafntefli við Harald.  Stefán vann Tómas og Örn Leó Karl Egil eftir langa baráttu.  Af öðrum úrslitum má nefna að Páll Þórsson vann Jón Kristinn og er hann úr baráttunni um titilinn Skákmeistari Norðlendinga, en um hann berjast helst Stefán Bergsson og Haraldur Haraldsson, sem hafa 4 vinninga og Tómas Veigar Sigurðsson sem hefur 3 1/2.  Stefán teflir við Róbert, Haraldur við Örn Leó og Tómas við Loft Baldvinsson.  Á efsta borði teflir Ingvar við Gauta Pál.  Karl Egill, Páll og Hjörleifur Halldórsson eru efstir í baráttunni um aukaverðlaunin (undir 1800 stig), en fleiri gætu blandað sér í þann slag.  Sjá má pörun, úrslit og stöðu í þessu hérna

Ingvar með vinningsforskot

Ingvar Þór Jóhannesson hefur náð vinningsforskoti á Skákþingi Norðlendinga eftir sigur á Erni Leó Jóhannssyni í 5 umferð sem hófst kl 11 í morgun og lauk um 3 leitið.  Í 2. - 5. sæti með 3 1/2 vinning eru Róbert Lagermann, Gauti Páll Jónsson, Haraldur Haraldsson og Tómas Veigar Sigurðsson, en Haraldur og Tómas eru efstir Norðlendinga.  Aukaverðlaun verða veitt þeim efsta þeirra sem hafa minna en 1800 stig og er Karl Egill Steingrímsson efstur í þeim flokki.  Nánari útlistun á stöðu og úrslitum má finna hér hér  Næsta umferð hefst kl. 17 og þá tefla m.a. Haraldur og Ingvar, Róbert og Gauti Páll og Stefán Bergson og Tómas.

Ingvar Þór efstur

Eftir atskákhluta Skákþings Norðurlands er Ingvar Þór Jóhannesson efstur með 3 1/2 vinning, Örn Leó Jóhannsson og Sigurður Eiríksson hafa 3.  Síðan koma 6 skákmenn með 2 1/2  Stöðu og úrslit má finna á slóðinni: http://chess-results.com/tnr271396.aspx?lan=1&art=1&rd=4&wi=821

Skákþing Norðlendinga um helgina

Skákþing Norðlendinga verður háð á Kaffi Krók um helgina og hefst kl. 8 á föstudagskvöld, með 4 umferðum þar sem telfdar verða atskákir með 25 mínútna umhugsunartíma.  Í 5 umferð, sem hefst kl. 11 á laugardagsmorguninn verða tímamörkin hins vegar 90 mínútur + 30 sek. á leik.  6. umferð verður kl 5 á laugardag, en 7. og síðasta kl. 11 á sunnudag, með sömu tímamörkum.  Hraðskákmót verður að móti loknu á sunnudag og hefst hálf 3 eða síðar.

21 keppandi er skráður og útlit fyrir skemmtilega og spennandi keppni.  Mótið er opið, en aðeins þeir sem eiga lögheimili á Norðurlandi geta barist um titilinn Skákmeistari Norðlendinga 2017.  Núverandi meistari er Sigurður Arnarson á Akureyri, en hann er ekki skráður til leiks.  Það eru hins vegar 2 fyrrverandi meistarar, Stefán Bergsson og Jón Kristinn Þorgeirsson.  Stigahæstu keppendurnir eru, hins vegar, Ingvar Þór Jóhannesson og Róbert Lagermann.

Kjördæmismót í skólaskák

Kjördæmismót í skólaskák verður haldið í Húsi frítímans á Sauðárkróki, mánudaginn 3. apríl kl.17. Keppt er um sæti á Landsmóti í skólaskák, sem verður haldið á Akureyri 5.-7. maí.  Keppt er í 2 aldursflokkum 1.-7. bekk og 8.-10. bekk.  Skráningar fara fram í gegnum skólana eða beint hjá [e-mail] eða 865 3827

Skákfélag Sauðárkróks vann sig upp í þriðju deild

Íslandsmóti skákfélaga 2016-2017 lauk um helgina, í Rimaskóla í Grafarvogi.  Sveit Skákfélags Sauðárkróks hafnaði í öðru sæti í fjórðu deild og vann sig þar með upp í þá þriðju.  Þetta er í annað skifti á þessari öld sem það tekst, en fyrra skiftið var 2010-2011 og tvö næstu mót telfdi sveitin í þriðju deild, en féll þá aftur niður í fjórðu.  Þeir sem telfdu fyrir Skákfélagið í þessari keppni voru: Jón Arnljótsson, Birgir Örn Steingrímsson, Pálmi Sighvatsson, Unnar Ingvarsson, Þór Hjaltalín, Árni Þór Þorsteinsson, Hörður Ingimarsson, Baldvin Kristjánsson, Magnús Björnsson og Guðmundur Gunnarsson.  Nánari úrslit má finna á http://chess-results.com/tnr239690.aspx?lan=1&art=20&wi=821&snr=7

Íslandsmót skákfélaga

Seinni hluti Íslandsmóts skákfélaga verður telfdur um helgina.  Eftir fyrri hlutann, sem var í haust, er Skákfélag Sauðárkróks í öðru sæti í fjórðu deild, en þrjú lið komast upp í þriðju.  Hægt er að fylgjast með gangi mála á http://chess-results.com/tnr239690.aspx?lan=1&art=0&wi=821